2006 оноос өмнө жолооч болсон иргэдэд жолоодох эрхийн шар үнэмлэхийг олгож байсан. Тэгвэл тус үнэмлэхийг зайлшгүй солих хэрэгтэй аж. Гэхдээ зарим иргэдийн дунд “шар” үнэмлэхтэй жолоочдыг торгож байна гэх яриа худал хэмээн ЦЕГ-ын Лицензийн төвийн дэд дарга П.Эрдэнэбат хэллээ.
Түүнчлэн тэрбээр “Жолооч нартаа анхааруулж хэлэхэд хуучин шар үнэмлэхээ зайлшгүй солих хэрэгтэй. Хэдийгээр хуучин үнэмлэхтэй жолоочийг торгох эрх ЗЦГ-т байхгүй ч, торгохгүй гээд хуучин үнэмлэхтэйгээ яваад байж болохгүй. Тиймээс Лицензийн төвд өөрийн биеэр ирж, аль эсвэл банкны дансанд гүйлгээ хийнэ захиалгаа өгөх ёстой. Өөрийн биеэр ирэх бол иргэний үнэмлэх, эрүүл мэндийн даатгал, шар үнэмлэхийг хуулбар, мөнгө тушаасан баримтаа авчирна. Харин дансаар харьцах бол Төрийн сан банкны 900012408 дансанд 12500 төгрөг тушаах ёстой. Ингэхдээ гүйлгээний утганд үнэмлэхний мөнгө хэмээн бичээд баримтаа авна” гэсэн юм.
Хуучин үнэмлэхээ солих жолоочдын шинэ үнэмлэх ажлын долоо хоногт багтан гарах ажээ.
