Энэ сарын 26-ны өдөр Захиргааны Хэргийн Давж Заалдах Шатны Шүүх хурал болж, Дархан аварга Б.Бат-Эрдэнийг МҮБХ-г төлөөлөх эрхгүй, тэргүүн биш гэж үзэж анхан шатны шүүхийн шийдвэрийг хүчингүй болгож шийдвэрлэсэн байна.
Тэгвэл “Гацуурт”-ын Л.Чинбат, УИХ-ын гишүүн Б.Бат-Эрдэнэ болон дархан аварга Х.Баянмөнх, УИХ-ын гишүүн А.Сүхбат гэсэн хоёр талд хуваагдан хүрсэн бөхийн өргөө рүү өнөөдөр хэсэг хүмүүс дайрч орсон байна. Тодруулбал Л.Чинбатын талынхан буюу улсын гарьд Б.Гантогтох тэргүүтэй 20 орчим хүн өнөөдөр Бөхийн өргөө рүү хүч түрэн орж маргаан үүсгэсэн гэнэ. Үүнтэй холбогдуулж, тус холбооныхон хуулийн байгууллагад хандсанаар Баянзүрх дүүргийн цагдаагийн алба хаагчид Бөхийн өргөөнд ирээд байгаа аж.