Стандартын бус орчинд загас үйлдвэрлэж байжээ

Хөвсгөл аймгийн Мэргэжлийн хяналтын газраас Мөрөн сумын “Далай ээж” хүнсний захад хийсэн хяналт шалгалтын үеэр хэзээ, хаана үйлдвэрлэсэн нь тодорхойгүй хүний эрүүл мэндэд сөрөг нөлөө үзүүлэх нөөшилсөн загас худалдаалж байсныг илрүүлжээ.

Аймгийн хэмжээнд “Хөвсгөл хүнс”, “Дүүрэн нуур” гэсэн хоёр үйлдвэр загасан бүтээгдэхүүнийг зохих зөвшөөрөлтэй үйлдвэрлэж байгаа боловч зарим иргэд стандартын бус орчинд загас үйлдвэрлэж худалдаалах зөрчил гарчээ.