Ерөнхийлөгч Ц.Элбэгдорж улс төрийн эгзэгтэй цаг үе буюу сонгуулийн өмнө улс төр лүү зүтгэж, сонгуульд хүчээ үзэхээр зэхэж буй зарим хүнд дараах зөвлөгөөг өгчээ.
Тэрбээр өөрийн цахим хуудаснаа "Миний өөртөө болоод, зарим хүнд өгмөөр санагддаг зөвлөгөө, бас заримд нь шууд хэлдэг үг:
Улсаа бодож байгаа бол улс төр лүү бүү зүтгэ.
Ард түмнээ бодож байгаа бол аль нэг сонгуульд нэрээ бүү дэвшүүл. Эх орноо бодож байгаа бол энэ тэр суудалд бүү шуна. Улсаа, ард түмнээ, Эх орноо хорлох ажил бүү хий. Ингэж улс төрд байгаа бол гар. Байхгүй бол тийш битгий ор.
Ингэх л гэж бид эрх чөлөөг сонгосон. Олонд хоргүй, өөрийнхөө сонголтоор амьдрах боломж эрх чөлөөнд л байдаг.
Танд ч заримдаа ингэж хэлмээр үе гардаг байж магадгүй. Зарим хүнд өгөх зөвлөгөө, хэлэх үг. "Зарим" гэж зориуд тодотгосныг анхаарна уу!" гэсэн байна.
