8o
Улаанбаатар хот
mobile menu

О.Алтансүх: 3.7 тэрбум төгрөгөөр тавилга авна гэж юу байх вэ, 192.5 сая төгрөгөөр авсан

2018-10-08 10:51:52

Энэ оны хүүхэд хамгааллын төсөвт тусгагдсан 6.4 тэрбум төгрөгийн 3.7 тэрбум төгрөгийг байгууллагын эд хогшил, үйл ажиллагаанд зарцуулсан гэх шүүмжлэл Гэр бүл хүүхэд, залуучуудын хөгжлийн газрыг асуудалд орууллаа. Тэгвэл энэ асуудалд тус газрын дарга О.Алтансүх мэдээлэл өглөө. О.Алтансүх дарга хэлэхдээ "Хүүхэд хөгжил хамгааллын зардалд 2018 онд 6.4 тэрбум төгрөг баталсан. Үүнээс 3.7 тэрбум төгрөгөөр нь тавилга авсан мэт ойлгогдохоор мэдээллийг нийгмийн сүлжээнд бичсэн байгааг хараад олон хүн асуулаа. Уг төсвийн 2.4 тэрбум төгрөгийг 21 аймаг, нийслэл, 9 дүүргийн гэр бүлийн газар хэлтсүүдэд хуваарилсан. Хүүхэд хамгаалахад 1.4 тэрбум төсөвлөдөг байсныг эмэгтэй гишүүдийн санаачлагаар 2018 оны төсөвт таван тэрбумыг нэмж, 6.4 тэрбум төгрөг болгосон. Энэ зардлыг Нийслэлийн 9 дүүрэг, 21 аймагт 2.4 тэрбумыг, ХНХЯ-нд 700 сая төгрөг, ГБХЗХГ-т 667 сая төгрөг, харьяа байгууллага болох Найрамдал, Өнөр бүл, хараа хяналтгүй хүүхдийн Нарт хангай төв, 108 хүүхдийн тусламжийн төв, Хамгаалах байрны ажилд нийтдээ 789 сая төгрөгийг зарцуулсан байна. Хамгийн гол нь дээрх таван салбарт 1.4 тэрбум төгрөг зарцуулсан байгаа. Ингээд нийтдээ 6.4 тэрбум болж байгаа. Сошиалаар 3.7 тэрбум төгрөгийг эд хогшил тоног, үйл ажиллагаанд зарцуулсан гэж шүүмжлээд байна.  3.7 тэрбум төгрөгөөр тавилга авна гэж юу байх вэ. Гэтэл үйл ажиллагаа гэдгийг нь орхиод 3.7 тэрбумыг тавилгад зарцуулсан гэх мэтээр ойлгогдуулахаар тараагаад байна. Тавилгад бид 192.5 сая төгрөг зарцуулсан. Гэхдээ энэ нь түрүүний ярьсан хамгаалах байрны ор дэр, хөнжил, хогшлууд байгаа" гэв. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
zochin
шалгах хэрэгтэй
2018/10/08 202.9.42.121
харамсаж байна
ТАВИЛГА, машинаа солихгүй бол дарганцар болсон шинжгүй байна уу? ЭНЭ төсөвийн зарцуулалтад тавих хяналт их муу байна
2018/10/08 103.26.193.122
dmb
Engiin irgen minii bodohod zuvhun tavilga avahad 3,7 terbum tug. Agentlagaas zarna gej baihgui l dee. Sanaatai gutgeleg, uduun hatgalga l baih. Ter bodit bish sensatsyg demjigchid bdag ni haramsaltai.
2018/10/08 122.201.22.109
  • Recent
  • Most Read
  • Most Comment