Монгол-Туркийн хамтарсан “Улаанбаатар Эмпати” сургуулийн захирал, Турк улсын иргэн Вэйсел Акчайг өнгөрсөн долдугаар сард өөрийнх нь улсаас хүч хэрэглэн хулгайлахыг завдсан хэрэг гарч, монголчууд төдийгүй дэлхиы нийтийн анхаарлыг татсан үйл явдал болсон. Тус хэргийг өнөөдрийг хүртэл маш нууц зэрэглэлээр шалгаж байгаа талаар хуулийн байгууллага мэдэгдээд байгаа.
Тэгвэл энэхүү хэргийн дараа тэрбээр Монголд цагаачлах хүсэлт гаргажээ. Өдгөө 19 гаруй жил Монголд оршин сууж байгаа Вэйсел Акчай үлдсэн насандаа бүр оршин сууж, эндэхийн иргэншилтэй болох хүсэлтээ албан бичгээр өгсөн байна.
Одоогоор тэрбээр манай улсын гэрч, хохирогчийг хамгаалах газрын бүрэн хамгаалалтад байгаа аж. Турк улсаас түүнийг татан авах хүсэлтэй байгаагаа удаа дараа холбогдох албаныханд хүргүүлсэн байна.
Харин түүнийг албан хүчээр хулгайлах гэж байсан гэсэн мэдээлэл нь өрөөсгөл болохыг эх сурвалж мэдээлэв. Тухайн өдөр Монгол Улсын Гадаад яамны хоёр ажилтан болон Турк улсын гадаад хэргийн яамны хоёр ажилтан гэрийнх нь гадна очиж машинд суухыг хүссэн. Энэ үеэр хулгайлах гэж байна гэсэн мэдээлэл авсан манай улсын цагдаагийн байгууллагийнхан болон ТЕГ, ЭЦГ-ийн бие бүрэлдэхүүн өндөржүүлсэн бэлэн байдалд ажиллаж түүнийг авч үлдсэн юм.
Түүнийг манай улсын хуулиар ямар нэгэн хэрэгт татах үндэслэл байхгүй тул түр хугацаагаар саатуулаад сулласан байдаг. Харин одоо хохирогч гэж үзэн хамгаалалтад байлгаж байгаа ажээ.
.jpg?1751336683043)
.jpg?1751336552317)
