08:30 цагт: “Blue Sky” зочид буудалд “Хөгжлийн бэрхшээлтэй хүмүүсийн хөдөлмөр эрхлэх боломжийг нэмэгдүүлэх нь” Үндэсний бага хурал болно.
09:00 цагт: ХХААХҮЯ-нд “Бизнесийн зөвлөх үйлчилгээ” уулзалт, хэлэлцүүлэг болно.
09:00 цагт: “Бишрэлт” зочид буудалд төрийн болон ТББ-уудад зориулсан "Нялх балчир хүүхдийн хүнсний тухай хуулийн хэрэгжилт, түүнд хяналт тавих нь” сургалт болно.
09:00 цагт: Монголын хүүхдийн ордонд Сүхбаатар дүүргийн харьяа ерөнхий боловсролын сургуулиудын сурагчдын эрхзүйн мэдлэгийг дээшлүүлэх, сургуулийн эргүүл болон өсвөрийн сэргийлэх бүлгэмийн ажиллагааг эрчимжүүлэх зорилго бүхий “Дэвжээ” тэмцээн болно.
09:00 цагт: Хууль зүйн үндэсний хүрээлэнд Сургуулийн эцэг эх багшийн үндэсний нэгдсэн холбооны стратеги, баримт бичгийг хэлэлцэх анхдугаар чуулга уулзалттай.
09:00 цагт: “Шангри-Ла” зочид буудалд “Мэргэжлийн сэтгүүл зүй ба Дижитал эрин үе” форум болно.
09:30 цагт: “Holiday Inn” зочид буудалд “Ойн генетик нөөц хамгаалал” төслийн явцын семинар болно.
11:00 цагт: Үндэсний аудитын газарт "Цэвэр агаар" сан болон 2008-2016 онд агаарын бохирдлыг бууруулах чиглэлээр хийсэн ажлуудын үр дүнд хийсэн гүйцэтгэлийн аудитыг танилцуулах арга хэмжээ болно.
11:00 цагт: “Эрдэнэс Таван Толгой” компанийн төв байранд Иргэний нийгмийн байгууллагуудын удирдлагууд иргэн бүрийн 1072 хувьцааны асуудлаар мэдэгдэл хийнэ.
11:30 цагт: “Үндэсний мэдээллийн төв”-д “Уул уурхайгүй Хөвсгөл” ТББ-аас Олон голын бэлчир орчимд БНХАУ-ын хөрөнгө оруулаттай компани төмөр зам тавих гэж буйг эсэргүүцэж мэдээлэл хийнэ.
11:30 цагт: Гэрлэх ёслолын ордонд Хөгжлийн бэрхшээлтэй хүний хөгжлийн ерөнхий газраас хөгжлийн бэрхшээлтэй хосуудын хуримын ёслолыг зохион байгуулна.
14:00 цагт: “Бишрэлт” зочид буудалд Нүүрстөрөгч багатай, байгаль орчинд ээлтэй техник технологийг нэвтрүүлэх замаар хүлэмжийн хийн ялгаралыг бууруулах механизмын хүрээнд төсөл, хөтөлбөр хэрэгжүүлэх боломжийн талаар мэдлэг, мэдээлэл олгох семинар болно.
14:30 цагт: ШУТИС-ийн Механик, тээврийн сургуульд Япон Улсын Засгийн Газрын жижиг дунд үйлдвэрийг дэмжих төслийн буцалтгүй тусламжийн хүрээнд 2 сая долларын лабораторийг ШУТИС-Коосэн технологийн коллежид хүлээлгэн өгөх ёслол болно.
