14 настай ач хүү нь эмээгээ хутгалж гэмтээсэн хэрэг гарсан байна. Тодруулбал, Нийслэлийн Баянзүрх дүүргийн нутаг дэвсгэрт буюу Эрдэнэ толгой гэх газарт 14 настай хүү эмээтэйгээ муудалцсаны улмаас зүүн гуянд нь хутгалж гэмтээжээ. Одоогоор хэргийн хохирогч 54 настай эмэгтэй Н-ийг Цэргийн төв госпиталд хүргэж, мэсний шархыг эмчилж байгаа аж. Хэргийг харьяаллын дагуу Баянзүрх дүүргийн цагдаагийн гуравдугаар хэлтэст шалгаж байгаа юм байна.
