Төв аймгийн Батсүмбэр сумын нутагт өнгөрөгч сарын 23-24-нд шилжих шөнө "янзагатай согоо буудсан байна” гэх дуудлага мэдээлэл цагдаагийн байгууллагад иржээ. Аймгийн цагдаагийн алба хаагчид шуурхай ажиллан нийслэлийн харьяат Т, Б нар уг хэргийг үйлдсэн болохыг олж тогтоосон байна.
Тэд улсын бүртгэлийн гэрчилгээгүй галт зэвсэг ашиглан уг гэмт хэргийг үйлдсэн бөгөөд цагдаагийн байгууллагаас эрүүгийн хуулийн 24 дүгээр бүлгийн 24.5 дугаар зүйл /Хууль бусаар ан агнах/-ээр эрүүгийн хэрэг үүсгэн шалгаж байна.
