УИХ-ын чуулганы нэгдсэн хуралдаанаар УИХ-ын гишүүн Б.Батзоригийн бүрэн эрхийг түдгэлзүүлэх эсэх асуудлыг хэлэлцэж шийдвэрээ гаргалаа. Тодруулбал, байнгын хорооноос УИХ-ын гишүүн Б.Батзоригийн бүрэн эрхийг түдгэлзүүлэх шаардлагагүй гэж үзсэн. Байнгын хорооны саналыг дэмжих эсэх талаар нууц санал хураалт явуулахад гишүүдийн 86.8 хувийн саналаар байнгын хорооны саналыг дэмжсэн шийдвэр гаргалаа. Ингэснээр УИХ-ын гишүүн Б.Батзоригийн бүрэн эрхийг түдгэлзүүлэхийг дэмжсэнгүй. Өөрөөр хэлбэл УИХ-ын гишүүн хэвээрээ үлдлээ.
