8o
Улаанбаатар хот
mobile menu

Ц.Батболд: Засаг дарга Д.Батсайханаас болж аймаг эзэнгүйдэж, эдийн засаг нь хэцүүдлээ

2018-11-08 09:00:00

Увс аймгийн Засаг дарга Д.Батсайхан аймгийн хөгжилд зарцуулагдахаар төсөвлөсөн мөнгийг захиран зарцуулахдаа өөртөө илт давуу байдал олгож зарцуулж, нутаг орноо ядууралд оруулаад байгаа талаар аймгийн ИТХ-ын дарга Ц.Батболд мэдээлэл өглөө.  2018 онд Увс аймагт тавигдсан 40 гаруй тэрбум төгрөгийн төсөв ямар ажлуудад зарцуулагдсан нь тодорхойгүй байгаа аж. 
Энэ талаар Ц.Батболд “Манай аймаг хэл аманд орж УИХ-ын гишүүд болон бусдад чичлүүлэн байж хамгийн их төсвийг орон нутагтаа өнгөрсөн жил авчирсан. Энэ жил 51 тэрбум төгрөгийн улсын төсөвт суулгахаар болсон байгаа. Ийм их мөнгө аймагт тусгагдаж суугдаж байгаа ч юунд зарцуулж байгаа нь тодорхойгүй байна. Засаг дарга нь хууль бус үйл ажиллагаа их явуулдгаас болж улс орон эзэнгүйдэж, эдийн засаг нь хэцүүдлээ.
 
Хамгийн их төсөв авдаг аймагт иргэдийн ядуурал их байна. Дээр нь өргөн хэрэглээний бараа бүтээгдэхүүний үнэ нэмэгдсэн. Шатахууны үнэ 300 төгрөгөөр нэмэгдсэн байна. Бусад аймгуудад ингэж нэмэгдээгүй байгаа юм. Иргэд аж ахуйн нэгж байгууллагын зээл 187,6 тэрбумд хүрч, хугацаа хэтэрсэн зээлийн үлдэгдэл 2,6 тэрбум байна. Арилжааны банкуудад найдваргүй зээлдэгчийн тоо өссөн.
 
Аймгийн хэмжээнд өвчилсөн иргэдийн статисик тоо нэмэгдэж хорт хавдраар өвчилсөн хүний тоо өнгөрсөн жилтэй харьцуулахад өссөн харагдана. Тухайлбал, өнгөрсөн жил 72 хүн байсан бол өнөө жил 126 болж өвчтний тоо нэмэгджээ.
Өргөн хэрэглээний барааны үнийг харахад дизель түлш, мебель тавилга, овьёос, тоосго, хивэг, цахилгаан эрчим хүч ашигласны зардал тус тус хувиар өссөн статистик байна. ЖДҮХС-ийн мөнгө яг эзэндээ очсон бол өнөөдөр манай аймагт тавилга үйлдвэрлэх өчнөөн мянган аж ахуй нэгж байгууллага, хувь хүн байна. Даанч эзэндээ очихгүй, эрх баригчид өөрсдөө зээлээд авчих юм.
 
Ийнхүү жил жилийн төсөв нь өссөн хэрнээ нийгэм эдийн засгийн үзүүлэлтүүд нь буурсан байгаа юм.
 
Сум орон нутгаа хөгжүүлэхгүй, төсвийн мөнгийг үрэн таран хийж, буруугаар захиран зарцуулсан байгаа юм. Увс аймгийг удирдаж байгаа удирдлагуудын гэр бүлийнхэн нь тендерээр шалгарч мөнгийг тэрбум тэрбумаар нь авч байна. Өөрөөр хэлбэл, аймагт төсөвлөгдөж байгаа мөнгийг үрэн таран зарцуулдаг.

Тиймээс энэ хууль бус үйлдлүүдийг эсэргүүцэж нутгийн ард иргэдтэйгээ нийлж аймгийнхаа төв талбайд ирэх даваа гарагт жагсаал хийнэ. Нэгдэхийг хүсье” гэлээ.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Mgl
Jinhene shunal, bas hulgaichiin udamt huniig songoson Uvsiinhan hohi ni bolj hotsorno. Uy olj doloohiin ta nar
2018/11/08 98.223.192.219
  • Recent
  • Most Read
  • Most Comment