Узбекистаны нийслэл Ташкент хотноо жүдо бөхийн Гран-при ангиллын тэмцээн өчигдөр/11.09/ эхэллээ. Тэмцээний эхний өдөр эрэгтэйчүүдийн 60, 60, эмэгтэйчүүдийн 48, 52 кг-ийн жингийн барилдаанууд явагдаж, манай таван бөх зодоглосноос гурав нь медалийн төдөө барилдав.
Тодруулбал, эрэгтэйчүүдийн 60 кг-д МУГТ Г.Болдбаатар аваргын төлөө Узбекистаны алдарт бөх Диёорбек Урузбоевтэй барилдаж цэвэр ялснаар алтан медаль хүртлээ.
Харин 60 кг-д барилдсан Д.Амартүвшин хүрлийн төлөө Тайванийн бөх Ян Юун Вейтэй барилдаж базари үнэлгээгээр ялагдав. Мөн 66 кг-д барилдсан Д.Алтансүхийн хүрэл медалийн төлөө Азербайжаны Нижат Шахализадатай барилдаж ялагдал хүлээжээ.
