НОСК-ийн зүгээс Улаанбаатар хотод долоон байршилд түрээсийн орон сууц барихаар төлөвлөжээ.Эдгээрээс дөрвөн байршилд түрээсийн орон сууцны барилгын ажлыг энэ онд багтаан эхлүүлэхээр болсон байна.
Тухайлбал, “Буянт- Ухаа” спорт цогцолбор орчимд, Сонгинохайрхан дүүргийн Ханын материалын Комбинат орчимд таван га газарт 1006 айлын, Баянголын аманд 2000 айлын, Сүхбаатар дүүргийн долдугаар хороо, “Ногоон нуур” орчимд 1008 айлын орон сууц барих юм. Цаашлаад Морингийн даваанд 29 га, Улиастайн аманд 107 га, Био, Сонгино болон авто худалдааны төв орчмын 11 га-д түрээсийн орон сууц барихаар ТЭЗҮ-ийг боловсруулсан байгаа юм.
