Засгийн Газрыг огцруулах эсэх асуудлаар УИХ-ын гишүүдийн байр суурийг хүргэж байгаа. Энэ удаад УИХ-ын гишүүн Б.Энх-Амгалангийн байр суурийг хүргэж байна. УИХ-ын гишүүн Б.Энх-Амгалан "Өнөөдөр Монголчуудад амин чухал юм юу хэрэгтэй байна вэ гэхээр төр засаг тогтвортой ажиллах ёстой. Улс төр тогтвортой байх хэрэгтэй. Тийм учраас Засгийн газрыг огцруулах шаардлагагүй гэж үзэж байна. Аливаа асуудлыг бодьтой ул суурьтай харах хэрэгтэй. ЖДҮ-ийн асуудлыг ярьж байна. ЖДҮ-ийг зөв гэж өмөөрч байгаа юм биш шүү. Гэхдээ ЖДҮ-ийн мөнгө хэд вэ. 47 тэрбум. АСЕМ-ийн мөнгө 400 тэрбум. Нийгмийн анхаарлыг ЖДҮ дээр фокуслаад хөшигний ард маш том үйл ажиллагаа нуугдаж байна гэж хардаж байгаа" хэмээн хэллээ.