Сүүлийн 5 жилийн судалгаагаар / улсын хэмжээнд зам тээврийн ослын улмаас 6800 гаруй иргэн гэмтэж бэртэн, 500 гаруй иргэн амь насаараа хохирсон судалгаа байна.Өөрөөр хэлбэл 21-р зууны хүсээгүй энэхүү төмөр хүлгийн дайны улмаас өдөр бүр 15-16 иргэн зам тээврийн ослын улмаас гэмтэж, 1-2 иргэн амь насаараа хохирч байна.
Дэлхий нийтээрээ зам тээврийн ослоор хохирсон иргэд болон тэвний ар гэрийнхний дуу хоолойг олон нийтэд хүргэх замаар түүний хор уршгийг олон нийтэд таниулах, хохирсон иргэдэд хүндэтгэл үзүүлэх зорилгоор жил бүрийн 11 дүгээр сард “Зам тээврийн ослоор хохирсон иргэд, тэдний ар гэрийнхний дуу хоолойг хүргэх өдөр”-ийг зохион байгуулдаг билээ.
Манай улс уг өдрийг 5 дахь жилдээ “Хичээх өдөр” сэдвийн хүрээнд 2018 оны 11 дүгээр сарын 29-ний өдөр буюу өнөөдөр зохион байгуулах гэж байна.
Энэ өдрийн гол зорилго нь энгийн бүхнээс том зүйл эхлэлтэйн адил замын хөдөлгөөнд оролцогч хэн бүр замын хөдөлгөөний дүрмээ баримталж, нэг нэгэндээ хүндэтгэлтэй хандаж, эерэг, зөв үйлдлээрээ бусдыгаа үлгэрлэж чадвал зам тээврийн осол, түүний улмаас амь насаа алдах, гэмтэж бэртэгсдийн тоо буурах боломжтой гэдгийг харуулах зорилготой бүх нийтээрээ хичээх өдөр юм.
Мөн энэ өдрийн хүрээнд өнөөдөр Баруун 4 замаас Зүүн 4 зам хүртэлх авто замын хөдөлгөөнийг 11.00 цагаас 5 минутын хугацаатай түр зогсоож, ослоор хохирсон иргэдэд хүндэтгэл үзүүлж гал, эмнэлэгийн автомашинууд дуут дохиогоо ажиллуулах юм байна.
.jpg?1751336683043)
.jpg?1751336552317)
