Монгол Улсаас Энэтхэг улсад суугаа Элчин сайд Г.Ганболд яамныхаа үүдэнд хүүхдээ эмчлүүлэхээр Энэтхэгт ирээд буй эмэгтэй болох Зэвсэгт хүчний ахлах дэслэгч Г.Оюуныг зодсон тухай мэдээлэл фэйсбүүкт гарч эхэллээ. Тодруулбал, Зодуулсан бүсгүй Г.Оюун нөхрийн хамт хоёр сартай охиноо зүрхний хагалгаанд оруулахаар Энэтхэгт очжээ. Гэвч дөрвөн сарын дараа эх орон руугаа буцах болсон ч олон асуудалтай тулгарсан тул ЭСЯ-наас тусламж гуйх гэсэн боловч уг хэрэг болсон тэд бичлэг хийж цахим хуудаснаа тавьсан байна.
Нөхөр нь "Бид хоёр энд ирээд дөрвөн сар болж байна. Хүүхдээ эмчлүүлээд эх орон руугаа буцах гэсэн чинь баахан асуудал тулгараад, үнэхээр аргагүйдсэн. Би охиноо сахиж үлдээд эхнэрээ нааш нь явуулсан чинь Ганболд гарч ирээд эхнэрийн маань цээж ходоод саван тус газар руу нь өшиглөсөн байна. Бид яах ёстой вэ?" хэмээн ярьжээ.
Харин уг хэрэгтэй холбогдуулаад Гадаад харилцааны сайд Д.Цогтбаатар Твиттертээ "Элчин сайдаас тайлбар аваад байна. Холбогдох байгууллагуудтай хамтарсан ажлын хэсэг даруй байгуулж, асуудлыг нь шалгана. Үнэн гэдэг нь тогтоогдвол Элчин сайдыг татаад зогсохгүй, хүний эрхэнд халдсан хэргээр цагдаагийн байгууллага ч шалгах шаардлага гарна" гэжээ.