Эдийн засгийн байнгын хорооны хуралдаан өнөөдөр 11.00 цагт хуралдахаар товлосон байлаа. Хуралдааны ирц 12.00 цагийн байдлаар 21.1 хувь буюу дөрвөн гишүүн ирсэн байлаа. Тус байнгын хороо 19 гишүүний бүрэлдэхүүнтэй.
Тиймээс Эдийн засгийн байнгын хорооны дарга Д.Дамба-Очир "Эдийн засгийн байнгын хороо ирцээ бүрдүүлж, хуралдахаар нэг цаг орчим гишүүдээ хүлээлээ. Хуралдаанд дөрвөн гишүүн л ирлээ. Тиймээс энэ удаагийн хуралдааны хойшлуулж байна" гэв. Ийнхүү ирц бүрдээгүйгээс Эдийн засгийн байнгын хорооны хуралдаан хойшиллоо.
