Засгийн газрын ээлжит хуралдааны дараа Сангийн сайд Ч.Хүрэлбаатараас цаг үеийн асуудлаар мэдээлэл хийсэн юм.
Тэрбээр "ОУВС-гийн хөтөлбөрийг хэрэгжүүлснээр 1.6 жилийн хугацааг бодоод үз. Бид төлөх ёстой төлбөрөө төлж чадахгүй болчихоод хандив цуглуулах дээрээ тулсан байсан. Өнөөдөр бид өрийн дарамт байхгүй. Төлөх ёстой том өрнүүддээ дарлаа. У.Хүрэлсүхийн Засгийн газар байгуулагдсанаас хойш 6.5 их наяд төгрөгийн үндсэн өр, хүүг төлсөн. Төсөв одоо ашигтай гарч байна. Эдийн засгийн өсөлт 6.4-7 хувьтай гарахаар байна. Зээлжих зэрэглэл хоёр удаа нэмэгдсэн. Энэ хэмжээгээр гадаадын хөрөнгө оруулагчид итгэх итгэл нэмэгдэж, сум бүр дээр эдийн засгийн өсөлт гарсан.
Бид зургаан удаа үнэлгээ хийсэн.
Одоо нэгдүгээр сарын 28-нд ОУВС-гийнхан ирнэ. ОУВС-гаас өгөх бүх мөнгөө цаг хугацаанд нь өгч байгаа. АХБ Засгийн газартай тохирсны дагуу мөнгөө өгч байгаа. 12 сарын сүүлчээр Солонгос мөнгөө оруулсан. “Жайка” олон улсын байгууллагын мөнгө орж ирээгүй. Энэ нь нисэх онгоцны буудлын гэрээтэй холбоотой. Японы тал нисэх онгоцны буудлыг менежментээр хийж, гарын үсэг зурах ёстой гэж байгаа. Сангийн яам 2018 оны есдүгээр сард онгоц нисгэх талаар нэлээд хэлэлцсэн. Гэвч энэ нь аюулгүй байдалтай холбоотой учир гэрээ хэлэлцээ хийгдэж байна.
Алтны роялтитай холбоотой хуулийн төслийг УИХ-д өргөн барьсан. Хэрвээ батлагдвал 2.5 хувиараа,батлагдахгүй бол өмнө нь хүчин төгөлдөр байгаа 5 хувиараа явна. Алтны үнэ 1250 ам.доллар байлаа гэхэд 5 хувийг, түүнээс дээш гарсан тохиолдолд дөрвөн хувь нэмэгдэнэ" гэв.
Д.Болор