Өнгөрсөн онд манай улсын гурван академич гадаад орнуудын Шинжлэх ухааны салбарын томоохон шагналыг хүртээд байна. Академич Д.Доржготов Монгол улсаас анх удаа ОХУ-ын газар зүйн нийгэмлэгийн дээд шагнал болох С.М.Пржевальскийн нэрэмжит хүндэтгэлийн алтан медалийг хүртсэн бол Академич Л.Болд Туркийн Шинжлэх ухааны академийн 2018 оны шагналын эзэн болжээ. Япон улсын Засгийн газрын “Мандах нар” одонгийн “Тууз бүхий Алтан туяа” зэрэглэлийн одонг Академич Д.Төмөртогоод олгосон байна. Академич Р.Барсболдыг “Монголын геологи ба ашигт малтмал” хэмээх найман боть цувралыг бүтээсэн эрдэмтдийн хамт төрийн шагнал хүртээгээд байгаа билээ. Мөн Доктор О.Самбуудорж шинжлэх ухааны гавьяат цолоор шагнуулжээ.
