Өчигдөр Сангийн сайд Ч.Хүрэлбаатар Эдийн засаг болон цаг үеийн асуудлаар мэдээлэл хийсэн. Энэ үеэр "Монгол Улсын нэгдсэн төвсийн орлого анх удаа 10 их наядыг давлаа. 2010 оноос хойш төсвийн тэнцвэржүүлсэн тэнцэл анх удаа ашигтай гарлаа. Төсвийн орлого 2 их наядаар давж биелсэн.Төсөв ашигтай гарахад нөлөөлсөн нэг зүйл нь Монгол Улсын зээлжих зэрэглэл өссөнтэй холбоотой гэж би харж байгаа. 2018 онд НӨАТ-ын буцаан олголтоор 680,000 хүнд 78 тэрбум төгрөг өгч байсан бол одоо 808,000 хүнд 120 тэрбум төгрөг өгөхөөр байна. Буцаан олголт ойрын 2-3 долоо хоногт иргэдийн дансанд орно" хэмээн хэллээ.
