Өнгөрсөн наймдугаар сард Зам, тээвэр хөгжлийн яаманд маш ноцтой осол гарч хүний алтан амь эрсэдсэн билээ. Тус хэрэг эцэслэн шийдэгдээгүй байтал тус яамны ажилчдтай холбоотой бас нэг зөрчил гарчээ. Тодруулбал, Өнгөрсөн арванхоёрдугаар сарын 27-ны орой тус яамны ажилтнууд ажлын томилолт өвөртлөн галт тэргээр зорчиж явахдаа архидан согтуурч, хоорондоо маргалдан улмаар вагоны эд зүйлийг эвдэж гэмтээсэн зэрэг ёс суртахуунгүй үйлдлийг гаргасан байна. Энэ тухай УБТЗ-ын удирдлагын зүгээс салбарын сайддаа хандаж яамны ажилтнуудад арга хэмжээ авч, байгууллагад учирсан хохирлыг нөхөн төлүүлэхийг шаардсан бичиг хүргүүлсэн нь ил болжээ.
Зам тээврийн яамныхан архидан согтуурч танхайрчээ
2019-01-15 09:42:00