Төрийн мөнгөнөөс битгий хулгайлуулаарай, ард түмний мөнгийг битгий шамшигдуулаарай
Төрийн ордны Б танхимд Засгийн газрын өргөтгөсөн хуралдаан болж байна. Өнөөдрийн хуралдаан хэвлэлийнхэнд нээлттэй болж байгаа юм. Мөн Засгийн газрын өргөтгөсөн хуралдаанд аймгуудын засаг дарга нар оролцож байна. Засгийн газрын өргөтгөсөн хуралдааны эхэнд Ерөнхий сайд У.Хүрэлсүх үг хэлж байна. Ерөнхий сайд У.Хүрэлсүх "Манай төрийн албан хаагчид дуулгавартай. Төрийн албанд архи дарс задлахаа больсон. Сайн жишээ энэ байна. Гадаад харилцааны яаманд л ганцхан зөвшөөрөл олгосон. Гадаад дотоодын хүмүүст хүндэтгэл үзүүлдэг учраас ГХЯ-д вино, шампанскийг хүлээн зөвшөөрсөн.Төрийн ордонд архи уугаад суух муухай шүү. Төрийн алба саруул байх хэрэгтэй. Эрүүл саруул ухаанаар төрийн албыг удирдах хэрэгтэй. Онц шаардлагагүй бол онгоцоор гадаад, дотоод явахгүй байх, иргэдийн татварын мөнгөөр тансаглахгүй байх, улсын унааг хувьдаа унахгүй байх, бүсээ чангал.Төрийн мөнгөнөөс битгий хулгайлуулаарай, ард түмний мөнгийг битгий шамшигдуулаарай. Бид хулгайч нартай тэмцэнэ.
Хүн цохиод алчихаар том алтан үзэг, барьж, алтан цаг зүүдэгээ больцгоо. Үүнээс л төрийн албан хаагч нарын эмх цэгц эхэлж байна. Даруухан бай. Ард түмнээсээ баян төрийн албан хаагч байх хэрэггүй. Ард түмэн чинь ядуу байна. Ядарсан хүнийг дэмжих нь төрийн үүрэг шүү. Задарсан хүнийг дарах нь бас төрийн үүрэг шүү. Төрд бас даварсан хүмүүс бас байгаа шүү. Ард түмний мөнгийг авч иддэг хүмүүс байгаа шүү. Энэ хүмүүстэй хатуу тэмцээрэй. Миний дэвшүүлж буй асуудалтай санал нийлэхгүй хүн байвал гараа өргө, би албан тушаалаа авъя. Нийгмийн шударга болгох, төрийн албыг сахилга баттай болгохын төлөө хамтарч ажиллана гэж итгэж байна " гэв.