Дорноговь аймгийн Зүүнбаян дахь 336 дугаар ангид алба хааж байсан хугацаат цэрэг нас барсан хэрэг гарсан байна. Тодруулбал, Орхон аймгаас өнгөрсөн оны арваннэгдүгээр сард татагдан очсон, 19 настай цэрэг золгүй байдлаар нас баржээ. Яг ямар шалтгааны улмаас нас барсан нь тодорхойгүй байгаа аж. Өглөөний гүйлтэндээ гүйж байгаад унахад нь бусад нь түшиж казармд оруулан, ус уулгасан ч хэсэг хугацааны дараа бөөлжиж, удалгүй нас барсан аж.
