Дорноговь аймгийн Зүүнбаян дахь хурандаа Д.Өлзийбаяр захирагчтай 336 дугаар ангид алба хааж байсан хугацаат цэрэг нас барсан хэрэг гарсан билээ. Өчигдөр энэ талаар ЦЕГ-аас мэдээлэл хийхдээ гадны нөлөөгүй нас барсан хэмээн мэдэгдсэн. Харин энэ талаар ЦЕГ-аас албан ёсор мэдээлэл хийхдээ . Мөрдөн байцаах албаны дарга, цагдаагийн хурандаа Д.Отгонжаргал "Энэ нь цэргийн алба хаагчийн амь нас хохироход нөлөөлсөн эсэхийг мөрдөгчийн тогтоолоор шинжилгээний байгууллага тусгай мэдлэгийнхээ хүрээнд, шинжлэх ухааны үндэслэлтэй дүгнэлт гаргаж, шалгалтын ажиллагаа цаашаа явагдана.Мөрдөн шалгах ажиллагааны явцад бичлэгийг хурааж авсан. Тэрэн дотор ээлжийн ахлагч цэргийн алба хаагчид гар хүрч байгаа бичлэг бий. Чухам яг ямар үйлдэл хийж байгаа талаар одоохондоо мэдээлэх боломжгүй байна. Тэр үйлдэл хохирогчийн амь нас хохироход хүргэсэн үү гэдгийг нягтлаад та бүхэнд мэдээлнэ" хэмээн мэдээллээ. Тус хэргийн талаар Дорноговь аймгийн Зүүнбаян дахь цэргийн ангид ажиллаад ирсэн хүмүүс мэдээлэл хийх гэж байна. Мэдээллийг ЗХЖШ-аас шууд дамжуулж байна.
