УИХ-ын гишүүн Б.Чойжилсүрэн сангийн сайд байхдаа Төрийн банкны нэг өдөрт олгох зээлийн дээд хэмжээг 5 тэрбум төгрөг байсныг өөрчлөн 20 тэрбум болгосон тушаал батлуулж Хятадын хөрөнгө оруулалттай “Шинжиан Шинфа” ХХК – нд 20 тэрбум төгрөгийн зээлийг өдөрт нь олгуулаад тус өдрийнхөө орой нь шийдвэрийг буцаан 5 тэрбум төгрөг болгуулсан байдаг. Үүгээр зогсохгүй ажлын цаг дууссаны дараа зээл олгох шийдвэр гарсан ч Монгол банк мөн ажлын цаг дууссаны дараа зузаатгал хийн зээлийг олгосон байна.
Хятадын “Шинжиан Шинфа” ХХК- нд их хэмжээний зээлийг хууль зөрчин барьцаа хөрөнгөгүйгээр олгосон тус хэргийг ТЕГ шалгаж Б.Чойжилсүрэнг тус хэрэгт холбоотой гэж үзэн УИХ-ын гишүүний бүрэн эрхийг түдгэлзүүлэн шалгах саналаа УИХ-д хүргүүлсэн гэнэ.