-Таван толгойн төслийг зогсооход амиа хорлосон хүн бий-
Монгол Улсын Ерөнхийлөгч асан Ц.Элбэгдорж өнөөдөр сэтгүүлчдийн сонирхсон асуусан асуултад хариулсан цаг үеийн ярилцлагаа өөрийн фэйсбүүк хуудсаараа дамжуулсан юм. Ингээд түүний ярилцлагаас дараах ИШЛЭЛИЙГ ОНЦЛОН хүргэж байна.
- Намайг Ерөнхийлөгчөөр сонгогдох үед шүүхэд итгэх ард түмний итгэл 18-64 хувь болж өссөн. Авлигын индексээрээ 120-т жагсч байгаад яаж буурсныг мэднэ биз дээ.
-Надтай хамтарч ажилладаг хүмүүс өөрийнхөө итгэл үнэмшил, сэтгэл зүтгэлээр ажилладаг байсан.
- Би нэг ч сонин, сайт, сэтгүүлчийг шүүхэд өгч үзээгүй.
-Д.Дорлигжавыг харлуулсан үйлдлийн цаана Х.Баттулга байгаа. Д.Ганболдын хөрөнгө дээр Х.Баттулга очиж ийм тоглолт хийж байна.
-Яг үнэндээ Д.Дорлигжавд бүх хар хэргийг үүрүүлэнгүүтээ бузар булай болгож харуулахыг хичээж байна. Үнэхээр тийм л юм бол УИХ чуулган дээр нээлттэй сонсгол хийх хэрэгтэй.
-Монгол чухал уу, Х.Баттулга чухал уу. Миний сонголт Монгол байх болно-
- Тавантолгойн төслийг зогсооход амиа хорлосон хүн бий. Тэдний ар гэрийнхнийг бас дууд л даа. Асуудлыг зөвхөн нэг талаас нь харуулж байна.
-Би өөртөө итгэлтэй байна. Намайг шалга. Гэхдээ юу ч олж чадахгүй.
-Би шоронгоос хүн гаргадаг хүн биш. Германд ямар ажлаар явж байсныг бүгд мэднэ. Би тайлбар хийх шаардлагагүй. Миний зарчим бол хийж байгаа ажилдаа эзэн болдог хүнийг зохих байрт тавихыг хичээдэг. Хууль бус үйлдэл хийсэн хүний үйлдлийг Б.Хурц мэддэг. Би үүнийг л мэднэ.
- Монгол чухал уу, Х.Баттулга чухал уу. Миний сонголт Монгол байх болно.
-Би Х.Баттулгад таван жилийн өмнө дуудаад “Чи улстөрөөс гар. Чамд зохихгүй юм байна. Хөшөөгөө барь, үйлдвэрээ байгуул, хотоо барь, бизнесээ хий. Чиний улс төр төрийг ойлгож байгаа ойлголт өөр. Чи бол хаана мөнгө байна, хаана эрх ашиг байна гэж гараа халаасандаа хийгээд харж байна. Төрийн ажлыг хялбар харж байна. Битгий ингэ. Улс төрөөс гар гэж хэлсэн.
- Н.Алтанхуяг шиг Ерөнхий сайд байхдаа мөнгөтэй байсан хүн байхгүй.
-Хувь хүний хувьд бид хоёр найз. Би бүр миний амин найз ч гэж байсан. Х.Баттулга надаас холдож эхэлснээсээ хойш маш их алдаж эхэлсэн гэж боддог. Төмөр замын Орост байгаа хувийг аваад ирвэл би дэмжинэ. Үнэхээр л Путинтэй найз юм бол.
-Монголын хэн ч бай ямар ч Ерөнхийлөгч байсан 100 жилдээ дахиж АСЕМ хийж чадахгүй-
- Хэрвээ Х.Баттулга улс эх орондоо сайн зүйл хийвэл би Ерөнхийлөгч гэдэг утгаар нь хүндэлж харьцана. Харин эсрэгээрээ бол Х.Баттулга гэж харьцах болно.
- Ц.Элбэгдоржийг хулгайч болж харагдуулах нь Х.Баттулгыг хулгайч биш гэж харагдуулахаас хэцүү байгаа. Тийм учраас маш их мөнгө зарж байгаа.
-Х.Баттулга 90-ээд оны үед спирт зардаг байсан. Одоо хамгийн ашигтай алтны хойноос явж байгаа. Би тэгж үнэрлэж байна.
-Одоо Эрдэнэтийн 49 хувийн асуудал яригдаж байгаа. Нэг мэдэхэд Х.Баттулга Эрдэнэтийн 49 хувийн эзэн болчихсон сууж байх вий.
-АСЕМ-тай холбоотой надад наах хэрэг олдохгүй болохоор Х.Баттулга өөрийнхөө хийсэн бүх юмыг надад наах гэж байна.
-Монголын хэн ч бай ямар ч Ерөнхийлөгч байсан 100 жилдээ дахиж АСЕМ хийж чадахгүй. АСЕМ зохион байгуулахад Монголын төсвөөс 22 тэрбум төгрөг л зарцуулсан.
-АТГ-аас намайг дуудсан бол бол би яваад л очно.
-Би ШХАБ-ын дээд түвшний 7 удаагийн уулзалтад оролцож байсан. ШХАБ-д элсэх ямар ч шалтгаан байхгүй. Гар барьсан улсууд бугуй барина, дараа нь тохио барина, тэгээд тэврэнэ. Тэр тэврэлтээс Монгол Улс гарч чадахгүй.
-Х.Баттулга шороо овоолж, овоолсон шорооноосоо мөнгө олсон хүн. Наад хулгайч нар чинь Ц.Элбэгдорж ирээд хэргийг нь илрүүлчих вий гэхээс айж байна.
-М.Энхболдтой би ямар нэг байдлаар хамгийн бага холбоотой хүн.
-Би Монголын уул уурхайг гартаа оруулсан. Хууль хяналтынхныг базчихсандаа дуугай байгаад байгаа юм биш. Хэрүүл маргаан хэл ам бүхэнд хариулт өгөх нь цаг барсан хэрэг л дээ. Тэгээд ч өөрийгөө өмөөрч хамгаалаад байгаа юм шиг харагдах учир би дуугардаггүй юм.
Д.Болор