Нийслэлийн Хан-Уул дүүрэгт байрлах түргэн хоолны KFC сүлжээний Зайсан дахь салбараар үйлчлүүлсэн иргэд хоолонд хордсон талаар мэдээлэл хүргэсэн билээ. Тус салбараар энэ сарын 8-10-ны хооронд 78 хүн үйлчлүүлснээс 45 хүнд хордлогын шинж илэрсний 20 гаруй нь ХӨСҮТ-д хэвтэн эмчлүүлж байгаа талаар тус эмнэлэгээс мэдээлэл өглөө.
Хордсон хүмүүсийн биеийн байдал одоогоор харьцангуй тогтворжсон бөгөөд тэдэнд суулгах, бөөлжих, халуурах, ядрах, сулрах, толгой өвдөх зэргээр хордлогын шинж тэмдэг илэрсэн байна. Лабораторийн шинжилгээний хариу одоогоор гараагүй байгаа аж.
