Байгаль орчноо хамгаалах, бохирдлын эх үүсвэрийг хязгаарлах Засгийн газрын бодлогын хүрээнд өнгөрөгч оны зургадугаар сарын 20-ны өдөр нэг удаагийн нийлэг хальсан уутны хэрэглээг 2019 оны гуравдугаар сарын 1-нээс хориглох тогтоол баталсан. Уг тогтоолд зааснаар 0,035 миллиметрээс нимгэн нэг удаагийн сав, баглаа боодлын зориулалтаар хэрэглэдэг гялгар уутыг хоригложээ.
Тэгвэл яг ямар уутыг нь хориглож байгаа юм бэ? 0,035мм-ээс бага байгааг нь яаж мэдэх вэ? гэсэн асуулт иргэдийн дунд их байна. Тиймээс энэхүү асуултанд дараах хариултыг өгч байна.
Хамгийн нимгэн гялгар уут л гэхэд газрын хөрсөнд шингэхдээ 100 гаруй жил болдог байна. Энэ нь хөрсний эвдрэл үүсгээд зогсохгүй, эргээд хорт нэгдэл ялгаруулдаг байна. Сүүлийн жилүүдэд дэлхийн хүн амын дунд элэг, ходоод, улаан хоолой, нойр булчирхайн өвчлөл ихсэх хандлагатай болсон. Энэ нь гялгар уутыг ихээр хэрэглэх болсонтой холбоотой гэж мэргэжлийнхэн үзжээ.
