60 тэрбумын хэрэгт нэр холбогдсон А.Ганбаатарыг МАН-аас гарсанд тооцсон байна. Нийслэлийн МАН-ын Хяналтын хорооны өнөөдрийн 04 дүгээр тогтоолоор уг шийдвэрийг гаргажээ. Тэрбээр тухайн үед Ц.Сандуйг нийслэлийн МАН-ын хорооны дарга байхад туслахаар нь ажиллаж байсан юм. Уг тогтоолд “МАН-ын гишүүн А.Ганбаатар намын дүрмийн 4 дүгээр зүйлийн 4.2.5, 4.2.9 дэх заалтыг зөрчиж, ёс зүйн алдаа гаргасан тул МАН-ын дүрмийн 4 дүгээр зүйлийн 4.4, 4.5, 6 дугаар зүйлийн 6.6, МАН-ын Хяналтын ерөнхий хорооны 2018.08.03-ны өдрийн хуралдаанаас гаргасан 13 дугаар тогтоолын 3 дахь заалтыг үндэслэн тогтоох нь:
Нэг: А.Ганбаатарыг МАН-аас гарсанд тооцсугай.
Хоёр: Нийслэлийн МАН-ын Хяналтын хорооноос гаргасан шийдвэрийг намын хорооны тэргүүлэгчид, Хяналтын ерөнхий хороонд танилцуулахыг Хяналтын хорооны дарга Н.Сайнбуянд даалгасугай” гэжээ.
