Гадаад паспортоо сунгуулсан иргэдэд Арабын Нэгдсэн Эмират Улс (АНЭУ)-д зорчих виз олгохгүй гэдгийг тус улсын Элчин сайдын яамнаас анхааруулжээ. НҮБ-ын дэргэдэх Олон улсын иргэний нисэхийн байгууллагаас 2016 онд Паспортод тавигдах стандартын тухай зөвлөмж, НҮБ-ын Аюулгүйн Зөвлөлөөс хилийн боомтоор зорчих нөхцөлийг хөнгөвчлөх, терроризмоос урьдчилан сэргийлэх зорилгоор гишүүн орнуудын хэрэгжүүлэх ажлын тухай тогтоол баталсан.
Энэ хүрээнд гадаад паспортоо сунгуулсан иргэдэд АНЭУ-д зорчих виз олгохгүй байхаар шийдвэрлэжээ. Тиймээс тус улсад зорчихоор төлөвлөж буй иргэдийг гадаад паспортоо шинээр захиалахыг ГХЯ-наас зөвлөсөн байна.
