Бүгд найрамдах Солонгос улсаас гаралтай Мүүний шашны байгууллагын талаар манайхан нэлээн сайн мэдээлэлтэй болсон. Учир нь өнгөрсөн зун тус шашны байгууллагаас зохион байгуулсан “Хүн гүрнээс гаралтай ард түмнүүдийн энхийн их наадам” арга хэмжээтэй холбоотой таагүй мэдээллүүдээс ойлголт авсан биз ээ. Залуусын тархийг угааж бараа гудамжинд заруулдаг, огт танихгүй залуусыг зургаар нь нийлүүлж гэрлүүлдэг гээд хажин чигтэй энэ шашны урсгалыг манайд олон хүн мэдэх болсон учир энэ удаад Монголын улс төрчидтэй хэрхэн хутгалдаж байгаа талаар мэдээлэл ч гардаг. Үүний нэг нь УИХ-ын гишүүн Ц.Нямдорж болж таарав. “Хүн гүрнээс гаралтай улсуудын” хэмээх “Энхийн их наадам”-ын шагналтнаар хэд хэдэн хүн шагнагдаж байсны нэг нь УИХ-ын гишүүн, МАН-ын гишүүн Ц.Нямдорж юм. Төрд олон удаа сонгогдож, Тэрээр 2014 онд уг шагналаа гардаж авахдаа “Энэ шагнал надад хүлээлгэсэн том итгэл гэж бодож байна. Төрийг зөв байлгах их үүрэг надад оногдлоо” хэмээн хэлж байжээ.
Мүүнийн “Энхийн их наадам”-ын шагналаар Ц.Нямдорж шагнагдаж байжээ
2016-03-02 13:24:00