Гахай жилийн эхний барилдаан Монгол бөхийн өргөөнд болно
XVII Жарны шаргачин гахай жилийн эхний барилдаан болох Эх орончдын өдөрт зориулсан Улс аймгийн алдар цолтой 256 бөхийн барилдаан 3-р сарын 1-ний өдрийн 14 цагаас “МОНГОЛ БӨХИЙН ӨРГӨӨ”-нд болох гэж байна.
Улс төрийн ууган хүчин Монгол Ардын Нам үүсгэн байгуулагдсаны 98 жилийн ойн баяр, Эх орончдын өдөрт зориулсан шороон гахай жилийн анхны хүчит бөхчүүдийн барилдаанд Монгол улсын аварга С.Мөнхбат, Г.Эрхэмбаяр, Н.Батсуурь, Ч.Санжаадамба, Монгол Улсын Арслан, П.Бүрэнтөгс, Р.Пүрэвдага, Ц.Содномдорж, Э.Оюунболд тэргүүтэй хүчит 256 бөх зодоглоно.
