Согтууруулах ундаа хэрэглэсэн үедээ морио унаад явсан иргэн сураггүй алга болжээ. Тодруулбал, энэ сарын 22-ны шөнө 01:00 цагт Булган аймгийн Хишиг-Өндөр сумын иргэн 45 настай эрэгтэй Б сураггүй алга болсон гэх дуудлага цагдаагийн байгууллагад ирсэн байна. Сураггүй алга болсон иргэн Б нь хамгийн сүүлд малчин Л-ийн гэрээс гарч яваад сураггүй болсон аж.
Одоогоор тус аймгийн Онцгой байдлын газар болон цагдаагийн газар хамтран нийт долоон алба хаагч эрэн хайх ажиллагааг зохион байгуулж байгаа юм байна.