Зам, Тээврийн хөгжлийн сайд Б.Энх-Амгалан Автотээврийн Үндэсний Төв ТӨҮГ, автомашины улсын дугаарын үйлдвэр, хот хоорондын зорчигч тээврийн үйлчилгээний тээвэрлэлтийг хянаж буй Хөдөлгөөний удирдлагын төвд ажилласан байна. Энэ үеэр автомашины улсын дугаарыг шинэчлэх асуудлыг сайдын зөвлөлийн хурлаар цуцалсныг мэдэгдэв.
Өмнө нь Зам тээврийн яамнаас "Тээврийн хэрэгсэлтэйгээ өөр улсад зорчиход зарим улс тухайн үсгийг таньдаггүй. Тиймээс хуучин хэрэглэгдэж байсан дугаарын үсгийг A, B, C, D гэх мэт 11 латин үсгээр солих юм. Өөрөөр хэлбэл, "0000 УНЯ" гэсэн дугаар "0000 ABC" болно. Улсын дугаарыг лацдах тул автомашинаасаа салгаж зарах, солих боломжгүй болно" гэх мэдээллийг өгч байсан юм.