Мэргэжлийн хяналтын байгууллагаас Монгол-Оросын хамтарсан УБТЗ ХНН-т шалгалт хийж эхэллээ. Өнгөрөгч нэгдүгээр сараас Мэргэжлийн хяналтын ерөнхий газраас тус байгууллагын хөдөлмөрийн аюулгүй байдал болон холбогдох хууль дүрмийг баримталж ажиллаж байгаа эсэхийг шалгахыг хүссэн албан бичгийг удаа дараа хүргүүлсэн байна. Гэсэн ч тус байгууллагын удирдлага болох Д.Жигжиднямаа шалгуулахаас хоёр удаа татгалзсан байна. МХЕГ-аас “Монгол Улсын нутаг дэвсгэрт үйл ажиллагаа явуулж байгаа учраас Монгол Улсад хүчин төгөлдөр үйлчилж байгаа хууль, журмыг дагаж мөрдөх учиртай. Тиймээс шалгалт хийх нөхцөл боломжийг бүрдүүлж өгнө үү” гэсэн хүсэлтийг Зам тээврийн сайдад хүргүүлжээ. Салбарын сайдаас шалгалт хийхийг зөвшөөрснөөр “УБТЗ” хувь нийлүүлсэн нийгэмлэгийг шалгах ажлын хэсэг тус байгууллагын үүдэнд хүрэлцэн ирсэн боловч ажлын хэсгийнхэнийг дотогш нэвтрүүлэхээс татгалзлаа.
Энэ талаар эргэн мэдээллэх болно.