Эрүүл мэнд, спортын сайд асан Г.Шийлэгдамба болоод тус намын санхүү хариуцсан нарийн бичгийн дарга П.Цогтбаатарыг АТГ-аас шалгаж байна. Энэ асуудал МАХН-ын санхүүжилт, хандивын асуудлыг сөхсөн. Харин энэ үед МАХН-ын Булган аймаг дахь намын дарга асан С.Дашдондог 500 гаруй сая төгрөг тус намд өгсөн талаар АТГ-т хандаж олны анхаарлын төвд орлоо. Тэрбээр МАХН-д өгсөн хагас тэрбум гаруй төгрөгийн асуудлаар АТГ-т ханджээ. Тэрээр “Н.Энхбаяр дарга АТГ-т ханд гэсний дагуу ёсоор болголоо” гэсний дагуу өнгөрсөн сарын 29-ний өдөр АТГ-т хандсан байна. Тэрбээр С.Дашдондог “Би АНУ-л амьдарч байгаад 2011 оны сүүлээр Монголд буцаж ирсэн. Тухайн үед миний багын найз, сэтгүүлч зохиолч Чойжилийн Дамдиндоржоор дамжуулан Н.Энхбаяр дарга намайг дуудуулсан. Тэгээд би Н.Энхбаяртай уулзахаар очсон юм. Тэр надад МАХН-д, тэр дундаа Булган аймагт МАХН байгуулах санал тавьсан. Тэнд нэг ч хүн байхгүй, ямар ч намын байгууллага байхгүй болохоор Булганы МАХН-ыг босгоод өгөөч л гэсэн. Яахав, тэгээд сонгуульд харж үзнэ гэсэн утгатай зүйл ярьсан л даа. Гэхдээ надад тэр шийдвэрийг гаргахад маш хүнд байсан. Монгол Улсын Ерөнхий сайд асан Санжийн Баяр бид хоёр Москвад хамт ажиллаж байсан. Тэр Элчин сайдаар, би консулаар. Сайхан гар нийлээд ажиллаж байсан найз нар ч гэж болно. Түүнээс гадна, МАН-ын хуучин удирдлагууд бүгд намайг таньдаг, мэддэг. Бүгдтэй нь би сайн харилцаатай байсан. Тиймээс Н.Энхбаяр даргын саналыг хүлээж авах хүнд байсан юм. Мөн анх очиж уулзахад Н.Энхбаяр нам дээрээ ганцаараа л байсан. Тиймээс түүнийг ядарч явах үед нь тус болдог юм билүү гэж бодоод зөвшөөрсөн юм л даа” хэмээн ярьжээ.
Н.Энхбаярыг хэцүү үед МАХН-д өгсөн хагас тэрбум төгрөгөө нэхэмжиллээ
2016-03-03 10:35:00