Өнөөдөр өглөө 07.10 минутын орчимд БЗД-ийн 21 дүгээр хороо, Дарь-Эхийн шинэ буудалд зам тээврийн ноцтой осол гарсан байна. Ослын улмаас нэг хүн газар дээрээ амиа алдсан байна. Тус ослын талаар баттай эх сурвалж манай сайтад мэдээлэл өглөө. Ослын улмаас 52 настай ТҮК-ийн ажилтан газар дээрээ нас барсан бөгөөд осол гаргасан жолооч нь ЦЕГ-ын дэд дарга бөгөөд Нийслэлийн цагдаагийн газрын дарга Д.Ядамдоржийн жолооч байжээ. Осол гаргасан жолоочийг Ахлах ахлагч н.Пүрэвцогт гэдэг бөгөөд Д.Ядамдорж даргын жолоочоор 10 гаруй жил ажиллаж байгаа аж. Жолооч нь Д.Ядамдорж даргыгаа гэрээс нь аваад буцаж явахдаа осол гаргасан талаар баттай эх сурвалж мэдээлэл өглөө. Эх сурвалжийн мэдээлсэнээр Д.Ядамдорж дарга жолоочоо хурдан яв гэснээр жолооч нь урсгал сөрж яваад ийн осол гаргажээ. Тэд 0162 УНҮ улсын дугаартай hyundai sonata 8 албаны машинтай явж байгаад ийн ноцтой осол гаргасан байна.
ЦЕГ-ын дэд дарга Д.Ядамдоржийн жолооч осол гаргаж, нэг хүний аминд хүрчээ
2019-03-18 11:45:00