2019 оны 03.26-ны 22.50 минутанд БГД-ийн 11 дүгээр хороо эх хүүхдийн эрүүл мэндийн үндэсний төвийн төрөх тасгийн төрөхийн өмнөх ажиглалтын 6 давхарт байрлах өрөөний цонхоор 17 настай жирэмсэн эмэгтэйг унах гэж байсан аж. Тус жирэмсэн эмэгтэйг харсан Чингэлтэй Дүүргийн Цагдаагийн Хоёрдугаар хэлтсийн хороо хариуцсан цагдаа ахлах ахлагч Н.Нямбаатар авхаалж самбаа гарган машиндаа байсан дээлээр уг эмэгтэйг доороос нь тосч аван гэмтлийн эмнэлэгт түргэн шуурхай хүргэж өгсөн талаар мэдээлэл хүргэсэн билээ. Анхан шатны тусламж үзүүлсэний дараа тус жирэмсэн эмэгтэйг ЭХЭМҮТ-д төрүүлсэн боловч ураг амьгүй төрсөн байна. Мөн харамсалтай нь ЭХЭМҮТ-д төрүүлсний дараа гэмтлийн эмгэг давамгай байсан учраас Гэмтлийн нарийн мэргэжлийн тусламж үзүүлсэн боловч хавсарсан хүнд гэмтэлтэй байсан тул өглөө 07.05 цагт нас барсан байна.
