“Монраель-1976” олимпийн наадмын аварга, дэлхийн гурван удаагийн аварга, Якутын нэрт бөх Павел Пинигиний нэрэмжит чөлөөт бөхийн өсвөр үеийн олон улсын тэмцээн өнөөдөр ОХУ-ын Сахагийн “Триумф” спортын ордонд эхэллээ. Манай улсаас Дархан-Уул аймаг, “Хасу-Мегастарс” клубийн дасгалжуулагч, спортын мастер Ё.Батдарханы удирдлага дор 10 тамирчин хүч үзэж байна. Түүнчлэн тус тэмцээнийг олон улсын шүүгч, ОУХМ Г.Амархүү дэнсэлж байгаа юм.
Тэмцээн дөрвөн өдөр үргэлжлэх бөгөөд хөвгүүдийн 28, 30, 32, 35, 38, 42, 46, 50, 44, 60, 65, -70, +70 кг гэсэн 10 жингийн ангиллаар 800-аад тамирчин өрсөлдөж байна.