Монгол Улсын Шадар сайд Ө.Энхтүвшин, “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн нар Стандарт банканд төлөх 115 сая ам.долларын асуудлаар мэдээлэл өглөө. Мэдээллийн үеэр Шадар сайд Ө.Энхтүвшин "Өнөөдрийн байдлаар 40 сая ам.долларыг ямар нэг хүү байхгүйгээр нэн яаралтай төлөх тохиролцоонд хүрч, энэ мөнгийг Эрдэнэт үйлдвэрийн эрсдэлийн сангаас гаргаж "Стандарт" банк руу шилжүүлсэн. "Стандарт" банкны өрийг барагдуулахгүй бол гуравдагч этгээдэд зарах эрсдэл, гадна талд байгаа хөрөнгүүдийг хураах эрсдэл ч байсан тул төлөх нь зүйтэй юм гэсэн шийдвэр гаргасан" гэсэн мэдээллийг өглөө.