УИХ дахь АН-ын бүлгийн дарга Д.Эрдэнэбат намын бүлэг тарж байгааг зарлалаа. Тэрбээр "УИХ-ын гишүүн Ж.Батзандан, Л.Болд нар намаасаа гарснаар УИХ-ын холбогдох хууль тогтоомжид заагдсан бүлгийн статусыг хангах боломжгүй болсон. Бид хуралдаж УИХ дахь АН-ын бүлгийн үйл ажиллагааг өнөөдрөөр дуусгавар болгож, АН-ын зөвлөл байгуулах шийдвэр гаргалаа. Энэхүү шийдвэрээ УИХ-ын дарга Г.Занданшатарт чуулганы хуралдаанаар мэдэгдснээр албажина.
АН бүлэггүй боллоо гээд сөрөг хүчин байхгүй болчихгүй. Бид ард иргэдийн өмнө хүлээсэн үүргээ биелүүлээд, сөрөг хүчний ажлаа хийх болно" хэмээн мэдэгдсэн юм.
