Сонгинохайрхан дүүрэгт байрлах 170 дугаар цэцэрлэгийн зургаан анги, гал тогоонд мөөгөнцөр үүсч, цууралт үүссэн тул Нийслэлийн мэргэжлийн хяналтын газраас цэцэрлэгийн үйл ажиллагааг зогсоожээ. Цэцэрлэг бүрэн чадлаараа ажиллавал 21 бүлгийн 760 орчим хүүхдийг хамруулан сургах боломжтой аж.
Тус цэцэрлэгийг барилгыг 2016 онд 2.6 тэрбум төгрөгөөр барьж байсан байна. Гэвч гуравхан жилийн дараа мөөгөнцөртөж, цуурч, үйл ажиллагаа явуулах боломжгүй болсон тул барилгын гүйцэтгэгч “Санхеро” команийг холбогдогчоор татан, Зөрчлийн хэрэг нээгээд байгаа аж.
