Өнөөдөр 11:00 цагийн орчимд Богд уулын Соёмбот ууланд гал гарав. Гал газар авч уулын мод руу орох үед нь онцгой байдлын аврагчид унтрааж цурманд нь орууллаа. Галын унтраахаар аврах 14, 30, 65, 26, 29, 18, 34 дүгээр анги болон нийслэлийн Аврах анги 105-ын нийт 65 алба хаагч, 12 техник хэрэгсэлтэйгээр ажилласан.
Гал унтраах ажиллагаанд Кёкүшюзан Д.Батбаяр мотоциклчдын хамтаар түргэн шуурхай ирж галыг цурманд оруулахад тусалсан байна.
Хотын дарга С.Амарсайхан , шуурхай ажиллагаа явуулах үед хотын түгжрэлд зогсохгүй түргэн шуурхай үйлчилгээ үзүүлэх унаа бол мотоцикл юм байна гэдгийг хэлээд Онцгой байдлын ерөнхий газарт Кёкүшюзан Д.Батбаярын унадаг шиг Yamaha брэндийн гурван ширхэг мотоциклыг өгөхөөр болов.
Хотын дарга С.Амарсайхан мотоциклчид болон Кёкүшюзан Д.Батбаярт баярласнаа өөрийн цахим хуудсаараа ийнхүү бичжээ.
