8o
Улаанбаатар хот
mobile menu

Хүүхэд хайрцагт хийж зөөвөрлөсөн гэх мэдээлэл худал болох нь тогтоогдсон

2019-05-21 09:39:00

Хөвсгөлд "Хүүхэд хайрцагт хийж автобусаар зөөвөрлөх гэж байсан" гэх мэдээлэл худал болох нь тогтоогдсон талаар Цагдаагийн Ерөнхий Газрын Хэвлэл мэдээллийн төвөөс мэдээллээ.

Хөвсгөл аймгийн иргэн “Н” нь өөрийн төрсөн эх “О”, хүрэн ах “М” нараас “Бага насны 3 хүүхдийг хайрцганд хийж гарыг нь хүлж тээвэрлэж байгаад баригдсан гэнэ” гэсэн бусдаас амь дамжин сонссон мэдээллийг өөрийн цахим хуудсандаа “Бага насны 3 хүүхдийг хайрцганд хийж гарыг нь хүлж тээвэрлэсэн байна болгоомжтой байгаарай” гэж байршуулсныг зарим хэвлэл, мэдээллийн байгууллага мэдээллийн үнэн бодит эсэхийг нягтлахгүй, дээрх үйл явдал болсон мэтээр өөрийн мэдээллийн хэрэгслээр дамжуулан иргэд, олон нийтэд түгээсэн байна.

Эрүүгийн цагдаагийн алба, Хөвсгөл аймаг дахь цагдаагийн газрын алба хаагчид уг мэдээллийн мөрөөр шалгалтын ажиллагаа явуулахад дээрх мэдээлэл нь худал болох нь тогтоогдсонбайна.

Иймд хэвлэл, мэдээллийн байгууллагууд иргэдийн ам дамжсан, худал “цуурхал” мэдээллийг албаны эх сурвалжаас нягтлахгүйгээр иргэд, олон нийтэд түгээхгүй байхыг анхааруулжээ.

 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Бат
АНХААРУУЛААД Л БОЛОО ЮУ. НИЙГМИЙН СЭТГЭЛ ЗҮЙГЭЭР ТОГЛОЖ БАЙГАА ЭНЭ МЭТ ҮЙЛДЭЛД АВАХ АРГА ХЭМЖЭЭ БАЙДАГГҮЙ ХЭРЭГ ҮҮ.
2019/05/24 66.181.168.81
  • Recent
  • Most Read
  • Most Comment