Дорноговь аймгийн Хатанбулаг сумын нутаг дахь Ханги хилийн боомтоор иргэд 571 кг дэрэвгэр, жиргэрүүг хууль бусаар гаргах гэж байсныг тагнуулын байгууллагын ажилтнууд илрүүлжээ. Их хэмжээний ховор ургамалыг тавдугаар сарын 29-нд Дорноговь аймгийн харьяат иргэн М, Г нар авч гарах гэж байгаад баригдсан байна. Дэрэвгэр жирэвгэрүү нь манай орны ховор ургамлын жагсаалтад багтдаг бөгөөд энэ ургамалыг түүн бэлтгэхийг 2023 оны 01 сарын 1-ний өдрийг хүртэл 5 жилийн хугацаагаар түр хориглосон байгаа юм.
