25o
Улаанбаатар хот
mobile menu

Сэрэмжлүүлэг: Лүн суманд үер буух үеэр алга болсон дөрвөн настай охины цогцсыг олжээ

2019-06-17 09:14:00

 2019 оны 6 дугаар  сарын 15-ны өдөр аадар бороо орж Говь-Алтай аймгийн Тайшир, Төв аймгийн Лүн суманд  үер бууж, үерийн улмаас автозам усанд автаж, иргэд усанд боогдсон  дуудлагаар дээрх аймгуудын Онцгой байдлын газрын алба хаагчид ажиллан, 13 иргэний аюулгүй байдлыг ханган ажиллалаа. Тухайлбал, Төв аймгийн Лүн сумын нутгаар орсон түр зуурын хүчтэй борооны улмаас үер бууж,  Улаанбаатар хотоос Лүн сумын чиглэлийн улсын чанартай 110-113 дахь км-т  хатуу хучилттай автозамын зорчих хэсэг их хэмжээний усанд автаж, Баянхангай сумын иргэн Ц /4 настай эмэгтэй/ сураггүй болсон дуудлагаар /2019.06.15-ны өдрийн 17:30 цагт/ тус аймгийн Онцгой байдлын газрын дарга, хурандаа Н.Төмөрбаатараар ахлуулсан 20 алба хаагч, 3 автомашинтайгаар эрэн хайх ажиллагааг зохион байгуулж, иргэн Ц/4 настай эмэгтэй/-ын цогцсыг олж, Цагдаагийн байгууллагад шилжүүлэн өгсөн байна.

Түүнчлэн Улаанбаатар хотоос Төв аймгийн Лүн сумын чиглэлийн А0301 замын 110-113 дугаар км-т автозамын зорчих хэсэгт их хэмжээний ус урсаж, замын байгууламжид эвдрэл үүсэж, тээврийн хэрэгслийн хөдөлгөөнийг явуулах боломжгүй байгаа тул Тээврийн цагдаагийн албанаас тухайн хэсэгт автомашины хөдөлгөөнийг түр хугацаагаар хязгаарлаж ажиллаа. 

Мөн Төв аймгийн Лүн сумын Цагаан-Уул багийн “Зэгэс” гэдэг газар иргэн Т-ын гэр усанд автаж, 8 хүн /5 том хүн, 3 хүүхэд/ усанд боогдсон тухай дуудлагаар /2019.06.15-ны өдрийн 21:52 цагт/ тус аймгийн Онцгой байдлын газрын 12 алба хаагч, 2 автомашинтайгаар ажиллаж, иргэдийг аюулгүй газарт нүүлгэн шилжүүлж аюулгүй болгожээ.  

Улаанбаатараас Мандалговь, Мандалговиос Улаанбаатар чиглэлийн авто замын хөдөлгөөнийг зогсоожээ

Их хэмжээний хүчтэй аадар бороо орж, зам, замын байгууламжууд үерт автаж, эвдэрсэн тул Улаанбаатар-Дундговь чиглэлийн А0201 дугаартай Улаанбаатараас Мандалговь, Мандалговиос Улаанбаатар чиглэлийн авто зам, замын байгууламжийг 2019 оны 6 дугаар сарын 17-ны өдрийн 18:00 цаг хүртэл түр хааж, автотээврийн хөдөлгөөнийг зогсоолоо. 

Иймд иргэд та бүхэн болзошгүй аюулаас урьдчилан сэргийлж, дээрх чиглэлд зорчихгүй байхыг анхааруулъя 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment
Санал асуулга
СОШИАЛ МЕДИА-аар олон нийтэд хүрч байгаа мэдээллийг та хэр бодьтой гэж боддог вэ?

Нийт санал өгсөн: 313