8o
Улаанбаатар хот
mobile menu

Хортон шавьж бүхий хагас тонн байцааг устгалд оруулжээ

2019-07-05 16:39:00

Баян-Өлгий аймгийн мэргэжлийн хяналтын газрын байцаагчид 2019 оны 06 дугаар сарын 27-ны өдөр Цагааннуур боомтоор ОХУ-аас импортлогдсон жимс, хүнсний ногоог лабораторийн шинжилгээнд хамруулахад байцаанаас хортон шавьж илэрч, бөөрөнхий сонгиноос нитрат зөвшөөрөгдөх хэмжээнээс их гарчээ. Бүтээгдэхүүнд давтан шинжилгээ хийлгүүлэхээр Баян-Өлгий аймгийн хими, хор судлалын лабораторид шинжлүүлэхэд хагас тонн байцаанаас цацагт далавчтан болох хортон шавьж, 105 кг сонгиноос нитратын хэмжээ өндөр гарсан байна. Энэхүү лабораторийн шинжилгээний дүнг үндэслэн эдгээр бүтээгдэхүүнийг холбогдох хүмүүсийг байлцуулан устгалд оруулжээ. Нитрат нь найрлаганд азот агуулсан азотот нэгдлүүдтэй бордоог газар тариаланд их хэмжээний ургац авах зорилгоор сүүлийн жилүүдэд бордоо байдлаар их хэрэглэх болсонтой холбоотойгоор ургамалд нитратын үлдэгдэл болж хуримтлагддаг.

Энэ нь хүний биеийн бодисын солилцооны явцад нитрат болж хувирснаар нарийн гэдсээр цусанд шимэгдэж метилгемоглобин хэмээх хүчилтөрөгчийн хүчтэй нэгдэл үүсгэж, уг метилгемоглобины хэмжээ цусанд 10-15%-иас ихсэх юм бол дотор муухайрах, толгой эргэх, элэг томрох, бөөлжих зэрэг хордлогын шинж өгч эхэлдэг ба улмаар хорт хавдрын эс үүсгэдэг нь тогтоогдсон байна.

Цаашид аж ахуйн нэгжүүд чанарын шаардлага хангасан жимс, хүнсний ногоог экспортлогч улсын эрх бүхий байгууллагын лабораторийн шинжилгээнд бүрэн хамрагдсан шинжилгээний бичигтэй бараа бүтээгдэхүүн нийлүүлж байхыг анхааруулж байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment