Өчигдөр МАН-ын дэргэдэх залуучуудын байгууллага Нийгмийн Ардчилал Монголын Залуучуудын Холбооны Удирдах Зөвлөл хуралдаж энэ сарын 8-ны өдөр VI Их хурлаа хуралдуулах шийдвэр гаргасан байна.
НАМЗХ нь дөрвөн жилд нэг удаа Их хурлаа хуралдуулж, Ерөнхийлөгчөө шинээр сонгох дүрэмтэй. Одоогийн Ерөнхийлөгч дөрвөн жилийн бүрэн эрхтэй бөгөөд Г.Тэмүүлэн 2015.6.22-ны өдөр тус албан тушаалд томилогдсон байдаг. Уг бүрэн эрхийн хугацаа өнгөрсөн сарын сүүлээр дууссан учир энэ сарын 8-ны өдөр зохион байгуулагдах VI Их хурлаараа дараагийн Ерөнхийлөгчөө сонгох юм байна.
