Өвөрхангай аймгийн Арвайхээр хотод “Яг одоо таны оролцоо” урамшуулалт аян зохион байгуулахаар болсон байна.Тус аян хоёрдугаар сарын 20-ны өдрөөс зургадугаар сарын 20-ны өдөр хүртэл зохион байгуулж байна. Тус аян гэр хорооллын гудамжинд ил задгай хог хаягдал, угаадас асгахгүй байж хэвших нь аяны зорилго юм.
Аянд хамрагдах иргэд гудамжинд ил задгай хог хаягдал хаяж, угаадас асгаж байгаа иргэдийг утас, зургийн аппаратаар баримтжуулан зургийг нь авч, холбогдох албан тушаалтанд биеэр хүлээлгэн өгснөөр Арвайхээр ОНӨААТҮГ-ын албан ёсны Facebook хуудсанд байршуулна. Уг зөрчлийг илрүүлсэн иргэнийг 5000 нэгжээр шагнах бол зөрчил гаргасан иргэнийг 10 мянгаас дээш төгрөгөөр торгох юм байна.
