Хөвсгөл аймгийн Онцгой байдлын газрын Эрэн хайх, аврах салбарын бүлгийн дарга, ахлах дэслэгч Х.Мөнхбатыг гурван өрөө орон сууцаар шагнажээ. Тэрбээр Үндэсний баяр наадмын өмнө Ерөнхийлөгчийн зарлигаар “Үйлчилгээний гавьяат ажилтан” цолоор шагнуулж байсан юм.
Х.Мөнхбат нь Онцгой байдлын байгууллагад 11 дэх жилдээ ажиллаж байгаа бөгөөд энэ хугацаанд 182 иргэний амийг аварч, иргэд, аж ахуйн нэгж байгууллагын 950 сая төгрөгийн эд хөрөнгийг авран хамгаалсан байна.
Өргөсөн тангарагтаа үнэнч байж олон хүний эрдэнэт амийг аварсан зүтгэлийг нь орон нутгийн удирдлагын зүгээс өндрөөр үнэлж, орон сууцаар шагнан урамшуулж байгаа аж. Орон сууцны батламжыг аймгийн Засаг дарга Л.Ганболд өнөөдөр гардуулан өгсөн байна.